Voici un document itré d'un chartrier privé, qui montre comment se déroulait la conclusion ou le renouvellement d'un accord au sujet d'une exemption de fouage en Cornouaille au XVIe siècle. Il est probable que les moyens juridiques aient été les mêmes au XVe. Quelques mots du jargon juridique alambiqué du XVIe ont échappé à ma sagacité.
On voit que l'exemption de fouage est la contrepartie d'une fondation qui bénéficie à la paroisse.
Le premier signataire est Guillaume Kerlazrec, seigneur du Cosquer en Combrit également.
Au passage, une liste de notables combritois.
Coetrozerch, mentionné dans cet acte, est actuellement dénommé Corrouarc'h. Le manoir a brûlé au XXe siècle et les débris de sa façade ont été assemblés d'une façon assez curieuse dans un bâtiment plus modeste.
Sachent toutz ce jourd'huy jour de dymanche résidantz en nostre court du Pont ont esté devant nous notaires et tabellions soubssignantz d'icelle au prosne de la grant messe dominicalle de l'esglise parrochiale de la parroisse de Combrit les parrochiens d'icelle y congrégués pour ouïr ladicte messe l'officze divin, disposer et trancher de leurs négoczes et afferes, Scavoyr noble Rolland du Guermeur seigneur de Coetrozerch de sa part, et Yvon Rouzic, Guennolay Reznou, Guillaume le Guen, Pierre Kergrouarch, Daniel le Pochat, Riou le Guars, Jacques Connan, Bertram Comper, Françoys le Denyc, Alain Luccas, Jehan Briziac, Guillaume Lozech, Hervé Olivier, Bernard Toullemont, Daniel le Hanff, Jehan Luccas, Mathelin Kergrouarch, Jehan le Guerannyc, Yvon Bouttoneau, Tugdoual le Pullot, Martin Lozech, Jacques Jezequellou dict grant, Henry le Bechnec, Jehan le Flamanc, Yvon le Guall, Micheau Cochou, Riou Michelet, Tugdoual le Guall, Yvon le Pigneller, François Tanguy, Bertram Morvan, Jacques le Mault, Jehan Olivier Garen, François le Coinnec, Jehan Gulloden, Jehan le Guars, Riou Kerriou, Tugdoual le Certain, Yvon Riou, Yvon Guillou, François le Guall, Hervé le Pigneller, Guitte Reznou, Guillaume le Schanff, François le Nain, Tugdoual Cariou, Nouel Lespoull, Guillaume et Martin Heffreou, toutz parroissiens de ladicte parroisse, et chacuns d'eulx pour son regard faissant la plus saine et maire voix de la leur, lesquels ont convenu et accordé par un traicté que lors a la foys que ledict du Guermeur vouldra bailler a taille ou fairme le lieu, estaige et tenement que aultreffes a tenu soubz prédesseurs audict tiltre de taille et convenan Yvon Marbec au villaige Kervelegan en Combrit sittué près son manoir de Coetrozerch, quel lieu est manoir, lieu noble et exempt de tout fouaige et ainsin a esté gouverné le temps passé comme congnoissent lesdicts parroissiens celluy home qui y demeurera et profitera soubz luy ledict lieu sera quicte et exempt de fouaige non contribuyble ny esgaillé parmy les contributiffs en rolle de fouaige en ladicte parroisse, par moyen que ledict Coetrozerch a baillé et transporté et libvré a l'esglise parrochielle de ladicte parroisse en perpétuité et a jamais en la personne Tugdoual Cochou fabricque d'icelle et stipulant et acceptant la somme de sept soubs six deniers en monnoye de rante annuelle dessus le lieu, estaige et tenement e ses yssues auquel demeure Guillaume Guymarch dict (illisible) soubz ledict du Guermeur à taille et convenan audict bourg parrochiell de Combrit, laquelle somme de sept soubz six deniers monnoye a ladicte cause ledict Guymarch aussi présent audict prosne de messe, a promis et s'est obligé poier continuer a la fabricque d'icelle esglise soubs obligation du sien et par son serment par l'attournance que ledict du Guermeur a faict d'icelle a la fin audict Cochou acceptant pour luy et aultres sounzsignantz marguyllyers et fabricques de ladicte esglise parrochialle et que par mesme moyen ledict seigneur de Coetrozerch a promis et s'est a pareil obligé faire et bailler acquit dymynution et d'eschange de pareille somme de sept soubz six deniers monnoye audict Guymarch en l'advenir en sa terre accoustumée dudict lieu et tenement auquel il demeure soubz ledict du Guermeur a comanczer faire le premier payment de ladicte rante a ladicte esglise et parroisse, fabricque, à la Sainct Michel prochene venan et ainsy continuer chaque an a ce huy dict jour comme dict est, mesmes icelluy du Guermeur a promis, juré, gréé et s'est obligé garantir et deffandre lesdicts parroissiens sur la possession et jouissance de ladicte rante annuelle, cessantz toutz impeschementz, et ledict chevalier seigneur et chacuns que dessus tenir, souvenir et accomplir, sans jamays en contrevenir, par eulx ne nul d'eulx ne aultres en leurs noms en auchune manière, promysdrent, gréèrent, jurèrent et s'obligèrent et par cestes promectant, gréent, jurent et s'obligent lesdicts partyes et chacune d'elles respectivement soubz obligation et ypothecque de toutz et chacuns leurs biens meubles et immeubles présantz et futtures et par leurs sementz, en renuncziation et renunczent quant a ce a jour jugé terme d'apvrill querie ne avoyr (illisible) ouye dire ne maudire plègement arrest faire ne donner vye inhebition, suposition de court de l'esglise rellevant de princze, rellaxation ne rellaxation de serment, et à touttes a aultres exceptions, déceptions, quels concques que outre la teneur et enthérinnation de cestes que pourroient estre dicts mises ne obliger en tout ou en partye, et au droict disant (illisible) (illisible) non valoir, et furent quant a ce de leurs appertementz par nostre dict court (illisible) et (illisible) y (illisible) comparus (illisible) tesmoings de ce le scel estably aux contractz de nostre dict court a cestes mis, faict et le grée, prins au prosne de ladicte messe dominicalle le XXIIIIe jour d'apvrill (illisible) l'an mil v cts cinquante neuff (illisible) audict villaige Kervelegan.
signé
G. Kerlazrec
R. Gantaffuech
D. Guennou
à la requeste des parrossiens et les parties cy dessus
Coetrozerch
Actualité
visiteurs en ligne
Imprimer l'article
Réactions à cet article
Haut 
© 2004-2013 