AD44 B1081

Cy s’ensuit la minute de la levee des heritaiges de feu Guillaume de Pestifien u fe du duc nuement en la chastellenie de Kerahes qui deceda le jour de la feste Nostre Dame en aoust l’an mill IIIIC & onze, ladite minute baillee par Jehan de Pestiffien son principal hoir et noble à Guillaume Penhoet receveur dudit lieu à cause & pour le fait du rachat dudit Guillaume. Premier la guarenne appelle la Guarenne Len Doulas qui souloit valoir trante soulz. Item la guarenne de Leyncon qui souloit valoir par an environ quarante soulz. Item le champart desdites guarennes duquel ledit Jehan n’est mie acertene ne sait que peut valoir. Item un parc appellé Parc Bricqueau dont l’en a acoustumé affermer l’erbaige dudit parc par an cincq soulz. Item le tenement de Jehan Caru vignt & cincq soulz, le tenement Yvon le Melinezre vignt & cinq soulz, le tement Rolland Coneim dix houyt soulz, le tenement Pierres Guillaume seze soulz, le tenement Yvon Leon seze soulz, le tenement Guillou Taillander vignt & quatre soulz, le tenement Alein Glazren vignt soulz, le tenement à la desguerpie Guillaume Pierres vignt & deux soulz, le tenement Mahé le Briz vignt & cincq soulz, le tenement Jehan le Bourchis vignt soulz, le tenement Alein le Guevell vignt & deux soulz. Item le moulin Stanc an Vian qui souloit valoir par an environ quatre quarterons de seigle. Et sauff courriger ceste baillee de là où il vendroit à notice audit Jehan que aucune chose il devroit y adjouster dedans le temps de droit & que appartient certiffie ledit Jehan ceste baillee estre vroye soubz son propre scel mis à cestes le quart jour de may l’an mill quatre centz & quinze